Sunk Cost Fallacy
لما تكمل تصرف على حاجة خسرانة عشان «دفعت فيها كتير»
يعني إيه؟
إنك تفضل متمسك بـ Campaign أو Ad خسران، مش لأنه لسه يستاهل…
لكن عشان أنت صرفت عليه بالفعل.
المشكلة فين؟
تقول:
"مش هوقفه دلوقتي، ده أنا صارف عليه 5,000ج!"
بس الـ 5,000ج اتصرفوا خلاص.
السؤال الصح هو:
هل صرف الـ 1,000ج الجايين لسه منطقي؟
مثال 
Creative صرف 3,000ج وجاب CPA = 250ج
بينما الـ Target CPA بتاعك 120ج.
بدل ما توقفه، تقول:
"أديله فرصة كمان يمكن يتحسن."
وتفضل تزود الخسارة لمجرد إنك مش عايز تعتبر الـ 3,000ج راحت.
تعمل إيه؟متبنيش قرارك على الفلوس اللي راحت.
ابنيه على النتائج المتوقعة من الفلوس اللي لسه هتصرفها.
اسأل نفسك:
"لو الـ Ad ده كان جديد قدامي النهارده، كنت هحط فيه فلوس؟"
لو الإجابة لأ → وقفه.
الخلاصة:
الفلوس اللي اتصرفت مش سبب تكمل.
الـ Media Buyer الشاطر مش بيحاول ينقذ الخسارة…
بيحاول يمنعها تكبر.
